O' cuopp

Vuje nun o’ sapit o’ cuopp, mò v’ò dic e’ che se tratt.

O’ cuopp è na carta arravugliata, tu arravuogl’ arravuogl’ e a furia e’arravuglià fai o’cuopp.

A’ sott è sicc e a’ copp è chiatt, quann nun ce staven e’bust e plastic o’ cuopp servev pe cè metter a robb a’ ind.

O’cuopp nun se sape chi ll’ha inventat, a Napul c’è semp stat.

O’cuopp è a borz d’a povera gent, ca a’ dint ce mett doi castagn, na frittur, s’a port appriess e po’ s’a magn.

Pur a’sfugliatell era nun cuopp, po’ c’ann mis a ricott, e candit e mò se chiamm sfugliatell per l’appunto.

O’ Vesuvio è comm a’nu cuopp gigant’ all’incontrario, è nu cuopp cò fuoc a’dint.

Ie ve dic a’verità: certe vvote vulesse fa nu cuopp ruoss, ruoss, ma ruoss chiùù ruoss dù Vesuvio.

Mò cà Natale è passat o’ vuless fa cu’ tutt’a’ cart dè muntagn dè presiep, chell ca uno ce mett a’farin a’ copp pè fa a nev.

O’ vuless fà bell stu cuopp ruoss cu’è muntagn l’è presep’ e’ chistu munn.

Ce vuless jettà a’ind tutt’ a’munnezz, e’ cart sporc e’sta città, tutt’ l’infamità e’ chesta gent e’merd che sape sul arrubbà, che jett sul sang ammiezz a’vì.

Ce vuless jettà a’ind tutt’ o’scur, o’suonn e o’scuorn d’e quartier, d’e vasc’ dind’ e’ vic addò o’sol nun ce trase.

Ce vuless jettà a’ind tutt e’politicant, e’chiacchier, e’ danar e’chi sfrutt sta città.

O’ cuopp avessa addiventà na galera gigant pè tutt e’guapp ca nun sapen campà, ca nun tenen a’ dignità.

Ie lassass for sul e’pann spas senza paur, e’scugnizz cà nun se fann fà, a’ gent che và a’faticà, a’ fantasia e’chesta città, a’ giuventù ca nun se ne và, ca rummann cà pe nu poc e’libertà.

E tutt’ o’ munn veness a guardà stu cuopp ruoss chin e’ robb ca s’adda jettà, cu tutt e’ cose ca nun s’anna fà, e po’ guardass Napul e pensass… comm’è bell sta città.

* Napoli sottoSopra vista di notte da San Martino - foto scattata da me